Ájiniyaz atındaǵı Nókis mámleketlik pedagogikalıq institutı hayal-qızlar másláhát keńesi tárepinen Ózbekstan xalıq shayırı Zulfiya Israilovanıń tuwılǵanınıń 110 jıllıǵı múnásibeti menen shayırdıń atı berilgen mámleketlik sıylıqtıń laureatları bolǵan qaraqalpaqstanlı hayal-qızlar menen ushırasıw bolıp ótti.

Shet tilleri fakulteti dekanınıń hayal-qızlar máseleleri boyınsha másláhátshisi Miyirxan Allaniyazova tárepinen shólkemlestirilgen ushırasıwda Zulfiya atındaǵı mámleketlik sıylıqtıń laureatları – Ózbekstan Ilimler Akademiyası Qaraqalpaqstan bóliminiń tayanısh doktorantı Aysholpan Orazımbetova, Qaraqalpaqstan Respublikası Ishki isler ministrligi Operativ wazıypalardı orınlawshı kóshpeli otryadı (MOON) qánigesi, aǵa leytenant Sapura Qayıpnazarova, Ájiniyaz atındaǵı Nókis mámleketlik pedagogikalıq institutı muzıkalıq tálim kafedrasınıń oqıtıwshısı Erkinay Orınbaevalar shayırdıń ómiri hám dóretiwshiligi, mámleketlik sıylıqtıń shólkemlestiriliwi hám kimlerge beriletuǵınlıǵı, sonday-aq, sıylıqtı alıw jolındaǵı miynetleri, ámelge asırıp atırǵan jumısları haqqında maǵlıwmat berdi.

Ilajda student qızlar ózlerin qızıqtırǵan sorawlarǵa juwap aldı.

NMPI baspasóz xızmeti.