Usı jıldıń 26-fevral hám 1-mart kúnleri aralıǵında Ájiniyaz atındaǵı Nókis mámleketlik pedagogikalıq institutı kásiplik awqamı komiteti tárepinen respublikamız kóleminde ishki turizmdi rawajlandırıw maqsetinde Tashkent qalasına sayaxat shólkemlestirildi.

Institut rektoratı menen dúzilgen jámáátlik shártnamanıń orınlanıwın támiyinlew maqsetinde shólkemlestirilgen sayaxatqa professor-oqıtıwshılar hám texnik xızmetkerlerden ibarat 30 ǵa shamalas adamlar qatnasıp, mazmunlı dem alıp qayttı.

Sayaxat dawamında institut professor-oqıtıwshıları hám texnik xızmetkerleri Tashkent qalasınıń tariyxıy hám mádeniy-kewilashar orınlarında bolıp, qalanıń tariyxı, búgingi turmısı haqqında bahalı maǵlıwmatlarǵa iye boldı.

Sayaxat sheńberinde dem alıwshılar ushın hár qıylı ruwxıy-aǵartıwshılıq ilajları da shólkemlestirildi.