Búgin, 5-mart kúni Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakultetinde 8-mart – Xalıqaralıq hayal-qızlar kúni bayramı múnásibeti menen «Báhár malikası» tańlawı bolıp ótti.

Fakultet dekanınıń hayal-qızlar máseleleri boyınsha másláhátshisi Lizaxan Ibragimovanıń baslaması menen shólkemlestirilgen tańlawǵa 1- hám 2-kurs student-qızlarınan eki studentten qatnastı.

Tańlawda qatnasıwshılar sálemnama, salat islew, erkin tema sıyaqlı shártler tiykarında ózleriniń bilimi, epshilligi, ziyrekliligi, aspazlıq sheberligi hám qábiletlerin kórsetiwge háreket etti.

Tańlaw juwmaǵında jeńimpazlar hám sıylı orın iyelerine, sonıń menen birge, pidayı professor-oqıtıwshılar hám qánige xızmetkerlerge bayram sawǵaları tapsırıldı.

Institutta Xalıqaralıq hayal-qızlar kúnine arnalǵan bayram ilajları dawam etpekte.

NMPI baspasóz xızmeti.