Sońǵı jıllarda elimizde keleshek iyeleri bolǵan jaslardı joqarı bilimlendiriwge qamtıp alıw dárejesin arttırıw, olardıń bilim alıwı hám kásip-óner iyelewi ushın zárúr sharayatlardı jaratıwǵa ayrıqsha itibar qaratılmaqta.

Ájiniyaz atındaǵı Nókis mámleketlik pedagogikalıq institutı akademiyalıq liceyinde oqıp atırǵan oqıwshı-jaslardı kásipke baǵdarlaw, sonday-aq, olardı institutta jaratılǵan sharayatlar menen jaqınnan tanıstırıw maqsetinde «Ashıq esikler kúni» ilajı shólkemlestirildi.

Ilaj sheńberinde oqıwshılar instituttıń jańa oqıw imaratı hám bul jerde oqıw, ilimiy-izertlew jumısları menen shuǵıllanıw, bos waqıtların mazmunlı ótkeriw maqsetinde jolǵa qoyılǵan ámeliy jumıslar, imkaniyatlar hám sharayatlar menen tanıstı.

Institutta oqıwshı-jaslar ushın «Ashıq esikler kúni» ilajları dawam etpekte.

NMPI baspasóz xızmeti.