Ájiniyaz atındaǵı Nókis mámleketlik pedagogikalıq institutı sport klubı tárepinen student-jaslar arasında sporttı keń en jaydırıw, salamat turmıs tárizin úgit-násiyatlaw, sheber sportshı jaslardı anıqlaw hám olardıń bos waqıtların mazmunlı ótkeriw maqsetinde sport túrleri boyınsha «Rektor kubogi» jarıslarına start berildi.

Ilajda institut sport klubı baslıǵınıń orınbasarı Miralım Allanazarov sózge shıǵıp, jaslar arasında sporttı ǵalabalastırıw baǵdarında ámelge asırılıp atırǵan jumıslarǵa toqtalıp ótti.

Solay etip, «Rektor kubogi» sport jarısları basketbol boyınsha bellesiwler menen baslandı.

Erler hám student-qızlar arasında ótkerilip atırǵan jarısqa barlıq fakultetlerden komandalar qatnaspaqta.

Jarıs juwmaqları haqqında maǵlıwmat beriledi.

Maǵlıwmat ornında atap ótiw kerek, institutta oqıw jılı dawamında basketbol, voleybol, mini futbol, shaxmat, stol tennisi hám usı sıyaqlı onlaǵan sport túrleri boyınsha «Rektor kubogi» jarısları dawam etedi.

NMPI baspasóz xızmeti.