Ájiniyaz atındaǵı Nókis mámleketlik pedagogikalıq institutı jámááti hám student-jasları elimizde ekologiyalıq turaqlılıqtı támiyinlew, qorshaǵan ortalıqtı qorǵaw hám bul arqalı xalıqtıń turmıs tárizin jaqsılawǵa baǵdarlanǵan «Jasıl mákan» ulıwma milliy joybarı sheńberinde abadanlastırıw jáne kóklemzarlastırıw jumısların dawam ettirmekte.

24-mart kúni instituttıń belsendi studentleri paytaxtımızdaǵı «Shadlı awıl» mákan puqaralar jıyını aymaǵındaǵı ajıratılǵan jer ornında nál egiw jumısların alıp bardı.

Bul jerde jaslar ustazları menen birgelikte jergilikli klimatqa iykemlesken hár qıylı terek nállerin otırǵızdı.

Esletip ótemiz, bıyılǵı báhár máwsiminde «Jasıl mákan» ulıwma milliy joybarı sheńberinde institutımız tárepinen paytaxtımız Nókis qalası hám onıń átirapında «jasıl belbew» payda etiw maqsetinde 11 mıń túp miyweli hám dekorativ terek nállerin otırǵızıw jobalastırılǵan.

Institutta akciya sheńberindegi abadanlastırıw ilajları dawam etpekte.

NMPI baspasóz xızmeti.