Ájiniyaz atındaǵı Nókis mámleketlik pedagogikalıq institutı málimleme-resurs orayı elektron málimleme-resursları bóliminiń baslıǵı Qurbanbaeva Katisha Sultanovna mezgilsiz dúnyadan kóz jumdı.

Katisha Qurbanbaeva 1982-jılı Nókis mámleketlik universitetinde (házirgi Berdaq atındaǵı Qaraqalpaq mámleketlik universiteti) «Nókis universiteti» gazetasınıń korrektorı sıpatında miynet jolın baslaǵan bolsa, 1994-jıldan Ájiniyaz atındaǵı Nókis mámleketlik pedagogikalıq institutında metodist, oqıtıwshı, ilimiy bólimniń úlken inspektorı, kancelyariya bóliminiń baslıǵı, resurslar bóliminiń baslıǵı sıyaqlı juwapkerli lawazımlarda pidayılıq penen jumıs alıp bardı.

Onıń jaslar tálim-tárbiyasındaǵı jemisli miynetleri, keńpeyilligi hám joqarı adamgershilikli pazıyletleri institutımız jámáátiniń, barlıq student-jaslardıń yadında máńgige saqlanıp qaladı.

Marhumnıń jaqınları, aǵayin-tuwısqanları, kásiplesleri hám shákirtlerine tereń qayǵırıw menen kewil aytamız.

Ájiniyaz atındaǵı Nókis mámleketlik pedagogikalıq institutı rektoratı, jámiyetlik shólkemleri hám málimleme-resurs orayı jámááti.