Xabarıńız bar, Ájiniyaz atındaǵı Nókis mámleketlik pedagogikalıq institutı sport klubı tárepinen student-jaslar arasında sporttı keń en jaydırıw, salamat turmıs tárizin úgit-násiyatlaw, sheber sportshı jaslardı anıqlaw hám olardıń bos waqıtların mazmunlı ótkeriw maqsetinde futbol boyınsha «Rektor kubogi» sport jarısına start berilgen edi.

Barlıq fakultetlerdiń komandaları arasında bolıp ótken jarısta jeńimpazlar hám sıylı orın iyeleri anıqlandı.

Sıylıqlaw ilajında institut rektorı Quvondiq Qodirov sózge shıǵıp, jeńimpazlar hám sıylı orın iyelerin qutlıqladı hám xalqımız, ásirese, jaslarımız arasında sporttıń ǵalabalıǵına erisiw mámleketlik siyasat dárejesine kóterilip, fizikalıq jaqtan jetik, salamat áwladtı tárbiyalaw baǵdarında nátiyjeli jumıslar ámelge asırılıp atırǵanlıǵın atap ótti.

Solay etip, futbol boyınsha «Rektor kubogi» sport jarısında:

1-orın hám «Rektor kubogi» – Dene mádeniyatı;

2-orın – Ellikqala pedagogika;

3-orın – Fizika-matematika fakultetlerinıń komandalarına nesip etti.

Jeńimpazlar hám sıylı orın iyeleri institut sport klubı tárepinen xoshametlendi.

NMPI baspasóz xızmeti.