Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası «Hayal-qızlar aǵartıwshılıǵı» ilimiy-dóretiwshilik jámiyetlik keńesiniń jıynalısı bolıp ótti.

Ilajǵa Qaraqalpaqstan Respublikası Ministrler Keńesi Baslıǵınıń orınbasarı – Shańaraq hám hayal-qızlar komitetiniń baslıǵı Maryam Ahmedova, Tashkent mámleketlik yuridika universiteti mámleketlik huqıq teoriyası kafedrasınıń professorı Feruza Muhiddinova, Ózbekstanǵa miyneti sińgen mádeniyat xızmetkeri Muhtarama Uluǵova, respublikamızdaǵı joqarı oqıw orınları rektorlarınıń hayal-qızlar máseleleri boyınsha másláhátshileri, professor-oqıtıwshılar, «Aǵla hayal-qızlar» háreketi jetekshileri hám student-qızlar qatnastı.

Jıynalısta sózge shıqqanlar elimizde hayal-qızlardıń jámiyettegi, mámleketlik basqarıwdaǵı rolin arttırıw, olardıń huqıq hám máplerin támiyinlew baǵdarındaǵı ámelge asırılıp atırǵan reformalarǵa toqtalıp ótti.

Ilajda «Hayal-qızlar aǵartıwshılıǵı» ilimiy-dóretiwshilik jámiyetlik keńesiniń Qaraqalpaqstan Respublikası boyınsha juwapker basshıların saylaw máselesi kórip shıǵıldı hám bul lawazımǵa Ájiniyaz atındaǵı Nókis mámleketlik pedagogikalıq institutı rektorınıń hayal-qızlar máseleleri boyınsha másláhátshisi Sayyora Bekchanova tayınlandı.

Sonday-aq, jıynalısta keńestiń aldaǵı rejeleri, maqseti hám wazıypaları qatnasıwshılarǵa tanıstırıldı.

NMPI baspasóz xızmeti.

Optimized by JPEGmini 3.18.26.250256089-TBTBLNP 0xb91fe72a