Assalawma áleykum, elimizdiń mádeniyat hám kórkem óner tarawlarında jumıs alıp barıp atırǵan pidayı dóretiwshiler!

Sizlerdi hám sizler arqalı gúllán taraw wákillerin 15-aprel – Ózbekstan Respublikası mádeniyat hám kórkem óner xızmetkerleri kúni menen shın júrekten qutlıqlaymız.

15-aprel kúnin dúnyanıń kóplegen mámleketleri qatarında mámleketimizde de 2021-jıldan berli «Mádeniyat hám kórkem óner xızmetkerleri kúni» sıpatında keń túrde belgilew dástúrge aylanbaqta.

Institutımızda muzıkalıq tálim, sonday-aq, súwretlew óneri hám injenerlik grafikası sıyaqlı bakalavriat tálim baǵdarlarında, sonday-aq, magistratura qánigeliklerinde elimizdiń mádeniyat hám kórkem óner tarawın rawajlandırıw, onıń abırayın dúnya júzinde arttırıw, jas talant iyeleriniń qábileti menen potencialın júzege shıǵarıw baǵdarında kóp jıllardan berli ayanbay miynet etip kiyatırǵan tájiriybeli professor-oqıtıwshılar, ustaz-pedagoglar jaslarǵa tálim-tárbiya berip kelmekte. Álbette, usınday ustazlardan bilim alǵan jaslarımız óz talantı menen xalqımızdıń júrek tórinen orın iyelep, jámiyetimizge kerekli qánigeler, kórkem óner sheberleri bolıp jetilispekte.

Sizlerdi jáne bir márte búgingi bayramıńız benen qutlıqlay otırıp, bekkem densawlıq, dóretiwshilik jumıslarıńızǵa tabıslar, shańaraqlarıńızǵa amanlıq, qut-bereket, mol ırısqı-nesiybe hám amanlıq tileymiz!

Ájiniyaz atındaǵı Nókis mámleketlik pedagogikalıq institutınıń rektoratı hám miynet jámááti.