Ájiniyaz atındaǵı Nókis mámleketlik pedagogikalıq institutı málimleme-resurs orayında Mektepke shekemgi tálim fakultetiniń tyutorları basshılıǵında «Jádidshilik háreketiniń jetekshileri hám olardıń xızmetleri» atamasındaǵı úgit-násiyat keshesi bolıp ótti.

Ushırasıwǵa Túrkiy tiller fakulteti ózbek ádebiyatı kafedrasınıń oqıtıwshısı J.Yuldashev, málimleme-resurs orayınıń qánigeleri, tyutorlar hám student-jaslar qatnastı.

Ilajda sózge shıqqanlar jádidshilik háreketiniń milliy ózlikti ańlaw, xalqımız arasında aǵartıwshılıq ideyaların keń en jaydırıw hám olardıń ruwxıy dúnyasın bayıtıwdaǵı áhmiyeti, jádidshilik penen shuǵıllanǵan ata-babalarımız hám olardıń miyrasları haqqında jaslarǵa bahalı maǵlıwmatlar berdi.

Óz gezeginde, jaslar jádidshilik háreketiniń belgili tulǵalarınıń dóretiwshiliginen úzindiler atqardı.

NMPI baspasóz xızmeti.