Ájiniyaz atındaǵı Nókis mámleketlik pedagogikalıq institutında student-qızlar arasında voleybol boyınsha «Rektor kubogi» sport jarısı ótkerildi. Bul jarıs jaslar arasında salamat turmıs tárizin úgit-násiyatlaw, sportqa qızıǵıwshılıǵın arttırıw hám qábiletli sportshılardı anıqlaw maqsetinde shólkemlestirildi.

Jarısqa institut fakultetlerinen 8 komanda qatnastı. Komandalar óz ara bellesiwler alıp barıp, jaslar ózleriniń fizikalıq tayarlıǵı, komandalıq oyın kónlikpeleri hám sportqa bolǵan qızıǵıwshılıǵın kórsete aldı.

Jarıs dawamında kúshli oyın kórsetip, barlıq qarsılasların jeńip shıqqan Baslawısh tálim fakulteti komandası «Rektor kubogi»niń jeńimpazı boldı.

1-orın – Baslawısh tálim fakulteti;
2-orın – Tariyx fakulteti;
3-orın – Mektepke shekemgi tálim fakulteti.

Jeńimpaz komandalarǵa institut sport klubı tárepinen diplom, medal hám estelik sawǵaları tapsırıldı.

Bunday sport jarısları jaslardı birlestirip, olardıń doslıq qatnasıqların bekkemlewge xızmet etedi.

Institutta sport jarısları dawam etpekte.

NMPI baspasóz xızmeti.