Búgin, 19-aprel kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Milliy gvardiyası Qaraqalpaqstan Respublikası boyınsha basqarması menen birgelikte bir qatar ilajlar shólkemlestirildi.

Dáslep basqarma baslıǵınıń orınbasarı Rustam Xalilov student-jaslar menen ushırasıw ótkerdi.

Ushırasıwda Milliy gvardiya tárepinen elimizde jámiyetlik turaqlılıqtı hám xalıqtıń abadan turmısın támiyinlew, jaslardı qollap-quwatlaw, sport túrleri, sonıń ishinde, oqjay atıw sportın keń en jaydırıw baǵdarında ámelge asırılıp atırǵan jumıslar haqqında maǵlıwmatlar berildi.

Jaslar hám professor-oqıtıwshılar ózlerin qızıqtırǵan sorawlarǵa juwaplar aldı.

NMPI baspasóz xızmeti.