Aldın xabar bergenimizdey, búgin, 19-aprel kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Milliy gvardiyası Qaraqalpaqstan Respublikası boyınsha basqarması menen birgelikte bir qatar ilajlar shólkemlestirildi.

Milliy gvardiya xızmetkerleri tárepinen xalqımızdıń tınıshlıǵın qorǵaw hám jámiyetlik turaqlılıqtı támiyinlew maqsetinde paydalanılatuǵın texnikalar, ásbap-úskeneler hám qural-jaraqlardıń kórgizbesi, sonıń menen birge, kinolog hám arnawlı topar qánigeleriniń kórgizbeli shıǵıwları jaslarda ayrıqsha tásirler qaldırdı.

Ilaj dawamında institut student-jasları hám professor-oqıtıwshılar oqjay atıw boyınsha óz sheberliklerin sınaqtan ótkerdi.

Sonday-aq, futbol boyınsha institut hám basqarmanıń saylandı komandaları arasında joldaslıq oyını bolıp ótti.

NMPI baspasóz xızmeti.