Ájiniyaz atındaǵı Nókis mámleketlik pedagogikalıq institutı gumanitar hám jámiyetlik pánlerdi aralıqtan oqıtıw kafedrası tárepinen «Úziliksiz bilimlendiriw sistemasında aralıqtan oqıtıwdıń integraciyası» atamasındaǵı besinshi xalıqaralıq ilimiy konferenciya shólkemlestirildi.

Konferenciyaǵa Qazaqstan hám Túrkmenstan Respublikalarınan, sonday-aq, respublikamızdıń aldınǵı joqarı oqıw orınlarınan professor-oqıtıwshılar, doktorantlar, magistrantlar, student-jaslar dástúriy formatta, al Túrkiya, Ázerbayjan, Rossiya mámleketlerinen belgili ilimpazlar onlayn tárizde óz bayanatları menen qatnastı.

Konferenciya gumanitar hám jámiyetlik pánler, anıq hám tábiyiy pánler, metodikalıq usınıslar, dóńgelek stol formatındaǵı psixologiyalıq másláhátler sıyaqlı sekciyalar boyınsha óz jumısın dawam etti.