Keleshegimiz bolǵan jaslardıń finanslıq qararlardı aqılǵa uǵras erkin túrde qabıllawına kómeklesiw, olar arasında qarjını toplaw mádeniyatın qáliplestiriw hám jeke finanslıq qáwipsizlikti támiyinlew búgingi kúnniń áhmiyetli máseleleriniń biri bolıp tabıladı.

Usı maqsette Ózbekstan Respublikası Oraylıq banki menen Joqarı bilimlendiriw, ilim hám innovaciyalar ministrligi tárepinen shólkemlestirilgen volontyorlar toparı Ájiniyaz atındaǵı Nókis mámleketlik pedagogikalıq institutında student-jaslar arasında «Erteńgi finanslıq imkaniyatlarıńız búgingi qararlarıńızdan baslanadı» atamasındaǵı úgit-násiyat jumısların alıp bardı.

Ushırasıwda volontyorlar tárepinen jaslarǵa hár qıylı kiberjınayatshılardıń aldawlarına túsip qalmawı ushın tiyisli ámeliy kónlikpelerde de berildi.

Maǵlıwmat ornında atap ótiw kerek, bunday ámeliy seminarlar «Global Money Week» xalıqaralıq bilimlendiriw kampaniyası sheńberinde 2020-jıldan berli dástúriy tárizde ótkeriledi.

NMPI baspasóz xızmeti.