Usı jıldıń 22-23-aprel kúnleri Surxandárya wálayatınıń Termiz qalasında sporttıń WORKOUT túri boyınsha «Universiada-2025» sport jarıslarınıń respublikalıq final basqıshı bolıp ótti.

Jarısqa Qaraqalpaqstan Respublikası, Tashkent qalası hám wálayatlardaǵı joqarı oqıw orınlarınıń studentlerinen dúzilgen saylandı komandalar qatnastı.

Quwanıshlısı, er studentler arasında bolıp ótken jarısta Qaraqalpaqstan Respublikası saylandı komandası barlıq qarsılaslarına salıstırǵanda joqarı tayarlıqlar menen kelgenin kórsetip, 1-orındı iyeledi hám «Universiada-2025» sport jarıslarınıń jeńimpazı boldı.

Al, student qızlarımızdan dúzilgen saylandı komandamız aǵzaları sport jarıslarında sıylı 2-orındı iyelep, gúmis medallardı qolǵa kirgizdi.

Saylandı komandamız aǵzaları Ájiniyaz atındaǵı Nókis mámleketlik pedagogikalıq institutı, Ózbekstan mámleketlik dene tárbiya hám sport universiteti Nókis filialı hám Berdaq atındaǵı Qaraqalpaq mámleketlik universitetiniń sportshı student-jaslarınan dúzilgen.

Sportshılardı jarısqa Nókis mámleketlik pedagogikalıq institutı docenti Dúysenbay Karimov tayarladı.

NMPI baspasóz xızmeti.