Ájiniyaz atındaǵı Nókis mámleketlik pedagogikalıq institutı málimleme-resurs orayında Respublikalıq «Kitapqumarlıq hápteligi» sheńberinde jámiyetimizde milletler aralıq tatıwlıq hám diniy keńpeyillik ortalıǵın bekkemlewde kitapqumarlıqtıń áhmiyetine arnalǵan keshe shólkemlestirildi.

Ilajdı oray direktorı Gúlayım Jiyemuratova basqarıp bardı.

Keshede instituttıń milliy ideya, ruwxıylıq tiykarları hám huqıq tálimi kafedrasınıń docenti Q.Pirimbetov, ózbek ádebiyatı kafedrasınıń oqıtıwshısı J.Yuldashev búgingi kúnde elimizde bir júz otızdan aslam millet hám xalıqlardıń wákilleri bir shańaraqtıń perzentlerindey tatıwlıqta, awızbirshilikte jasap, túrli tarawlarda nátiyjeli miynet etip atırǵanı, barlıq millet hám xalıqlardıń tili, mádeniyatı, úrp-ádet hám dástúrlerin saqlaw jáne rawajlandırıw ushın barlıq sharayatlar jaratılǵanlıǵı, mámleketimiz tárepinen hár qıylı milletler arasında óz ara miyrim-shápáátti bunnan bılay da bekkemlewge ayrıqsha itibar qaratılıp atırǵanlıǵı haqqında bayanatlar jasadı.

Keshe student-jaslar atqarıwındaǵı milletler arasındaǵı doslıq hám awızbirshilikti jırlawǵa arnalǵan kórkem bólim menen dawam etti.

NMPI baspasóz xızmeti.