Ájiniyaz atındaǵı Nókis mámleketlik pedagogikalıq institutında startap joybarlardı jolǵa qoyıwdıń ekonomikalıq, finanslıq hám huqıqıy tiykarları, sonday-aq, marketing strategiyaları haqqında student-jaslarǵa keń túrde maǵlıwmat beriw maqsetinde «Milliy HUB» baǵdarlaması sheńberinde seminar-trening bolıp ótti.

Ilajdı instituttıń ziyrek studentlerdiń ilimiy-izertlew jumısların shólkemlestiriw bólimi baslıǵı Q.Tashanov hám Mektepke shekemgi tálim fakultetiniń oqıtıwshısı, Innovaciyalar milliy ofisi tárepinen «Milliy HUB» baǵdarlaması sheńberinde shólkemlestirilgen seminar-trening qatnasıwshısı A.Tajimuratov alıp bardı.

Seminar-trening dawamında studentlerge innovaciyalıq ideyalardı bizneske aylandırıw, bazar analizi, investiciyalardı tartıw, salıq hám nızamshılıq talapları jáne nátiyjeli marketing strategiyaların islep shıǵıw sıyaqlı áhmiyetli baǵdarlar boyınsha ámeliy kónlikpeler berildi.

Jaslar jańa bilimlerdi ózlestirip, keleshektegi joybarların nátiyjeli shólkemlestiriw boyınsha zárúr kónlikpelerge iye boldı. Sorawlarına tolıq juwaplar aldı.