Ózbekstan Respublikası Joqarı bilimlendiriw, ilim hám innovaciyalar ministrligi usı jıldıń may ayın respublikalıq joqarı hám kásiplik bilimlendiriw mákemelerinde «Sportshı – el qorǵawshısı!» súreni tiykarında «Sport aylıǵı» dep járiyaladı.

Ózbekstan Respublikası Prezidentiniń «Salamat turmıs tárizi hám ǵalabalıq sporttı rawajlandırıw haqqında»ǵı Pármanı tiykarında shólkemlestirilip atırǵan bul baslama Ájiniyaz atındaǵı Nókis mámleketlik pedagogikalıq institutı jámááti tárepinen joqarı shólkemleskenlik qollap-quwatlanbaqta.

Búgin, 2-may kúni institut sport klubı tárepinen «Sport aylıǵı» sheńberinde birneshe jarıslarǵa start berildi.

Búgingi ótkerilgen jarıslarda studentler badminton hám stol tennisi boyınsha ózleriniń fizikalıq tayarlıǵı jáne sport sheberliklerin sınaqtan ótkerdi.

Institutta «Sport aylıǵı» dawam etpekte.

NMPI baspasóz xızmeti.