Búgin, 11-may kúni paytaxtımız Nókis qalasında «Qorshaǵan ortalıqtı qorǵaw hám «jasıl ekonomika» jılı» sheńberinde ekologiyalıq jáne qayırqomlıq baǵdarındaǵı ǵalabalıq juwırıw marafonı shólkemlestirildi.

Bul jarıslar «Eco Save Aral – 2025», «Student – juwır», «Oqıwshı – juwır» hám «Insan ushın» súrenleri tiykarında ótkerildi.

«Student – juwır» marafonında respublikamızdaǵı barlıq joqarı oqıw orınlarınan, sonıń ishinde, Ájiniyaz atındaǵı Nókis mámleketlik pedagogikalıq institutınıń kóplegen studentleri qatnastı.

Áhmiyetlisi, erler arasında ótkerilgen jarıs juwmaǵında institutımızdıń Dene mádeniyatı fakultetiniń 2-kurs studenti Azamat Orazbaev sıylı 2-orın, qızlar arasında usı fakultettiń 2-kurs studenti Ejemaya Bazarbaeva 1-orın, al 3-kurs studenti Dildora Ashirbaeva sıylı 2-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen diplom hám sawǵalar menen sıylıqlandı.

NMPI baspasóz xızmeti.