Ájiniyaz atındaǵı Nókis mámleketlik pedagogikalıq institutınıń rásmiy logotipin islep shıǵıw maqsetinde professional grafikalıq dizaynerler, joqarı tájiriybege iye bolǵan dóretiwshiler hám qábiletli jaslar arasında tańlaw járiyalanadı.

Tańlawda qatnasıwshılar Ájiniyaz atındaǵı Nókis mámleketlik pedagogikalıq institutınıń tariyxı, búgingi kúni, qádiriyatları hám maqsetlerine sáykes keletuǵın zamanagóy, original jáne ańsat tanıp alınatuǵın ózgeshe dizayndaǵı logotipti islep shıǵıwı talap etiledi.

Tańlawǵa dóretiwshilik jumıslar 2025-jıldıń 30-may sánesine shekem Telegram tarmaǵı arqalı @Tolibaev2001 mánziline PNG hám JPG formatlarda jollanıwı kerek.

Tańlawǵa jiberiletuǵın logotipler grafikalıq bólim hám onıń túsindirmesinen ibarat bolıwı shárt.

Logotipti islep shıǵıwda avtorlıq huqıqı hám túrles huqıqlarǵa ámel etiliwi, logotiptiń ideologiyalıq quramı nızamlı, mádeniy hám estetikalıq standartlarǵa sáykes keliwi zárúr.

Tańlawǵa kelip túsken dóretiwshilik jumıslar komissiya quramı tárepinen bahalanadı hám jeńimpaz anıqlanadı.

Tańlaw jeńimpazı qımbat bahalı sawǵalar menen sıylıqlanadı.

Qosımsha maǵlıwmatlardı instituttıń baspasóz xızmeti bóliminen yamasa +998913899411 telefon nomeri arqalı alıwıńız múmkin.

NMPI baspasóz xızmeti.