Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidentiniń «Joqarı bilimlendiriw shólkemleri pitkeriwshileriniń jumısqa ornalasıwına kómeklesiw boyınsha qosımsha ilajlar haqqında»ǵı qararı tiykarında «Keleshekke qádem» orayın ashıw boyınsha ámelge asırılıp atırǵan jumıslar úyrenildi.

«ÓzMilliy bank» akcionerlik jámiyeti bas ofisinen Firdavs Akmalov hám usı banktiń Qaraqalpaqstan Respublikası filialınıń juwapker qánigeleri tárepinen «Keleshekke qádem» baǵdarlaması sheńberinde óz biznes ideyaların ámelge asırıw niyeti bolǵan pitkeriwshi kurs studentleri ushın biznes ideyanı tayar joybarǵa shekem jetkeriw procesinde tolıq birge islesiw hám qolaylı shártlerde qarjılandırıw, tarawlar boyınsha ashıq tańlawlar ótkeriw hám jeńimpazlardı jumıs penen támiyinlewge kómeklesiw maqsetinde shólkemlestiriletuǵın oraydıń aldaǵı jumısların jolǵa qoyıw máselesi dodalanıp, tiyisli jol-jobalar berildi.

NMPI baspasóz xızmeti.