Xabarıńız bar, Ózbekstan Respublikası Joqarı bilimlendiriw, ilim hám innovaciyalar ministrligi tárepinen usı jıldıń may ayı respublikalıq joqarı hám kásiplik bilimlendiriw mákemelerinde «Sportshı – el qorǵawshısı!» súreni tiykarında «Sport aylıǵı» dep járiyalanǵan edi.

Ózbekstan Respublikası Prezidentiniń «Salamat turmıs tárizi hám ǵalabalıq sporttı rawajlandırıw haqqında»ǵı Pármanı tiykarında shólkemlestirilip atırǵan sport ilajları sheńberinde Ájiniyaz atındaǵı Nókis mámleketlik pedagogikalıq institutında student-jaslar arasında shaxmat-shashka boyınsha jarıs bolıp ótti.

Institut sport klubı tárepinen ótkerilgen jarısta studentler ózleriniń fizikalıq tayarlıǵı jáne sport sheberliklerin sınaqtan ótkerdi.

Institutta «Sport aylıǵı» dawam etpekte.

NMPI baspasóz xızmeti.