Ájiniyaz atındaǵı Nókis mámleketlik pedagogikalıq institutında student-jaslar arasında korrupciyaǵa qarsı gúresiw máselesine arnalǵan «Eń jaqsı esseler» tańlawı bolıp ótti.

Tańlaw mámleketimizde ámelge asırılıp atırǵan korrupciyaǵa qarsı gúresiw strategiyasın qollap-quwatlaw, studentlerdiń usı temaǵa baylanıslı bilim hám túsiniklerin keńeytiw jáne olardıń puqaralıq poziciyasın bekkemlew maqsetinde shólkemlestirildi.

Instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi bas qánigesi Gúlistan Dálibaeva barlıq fakultetlerden kelgen qatnasıwshılarǵa tańlawdıń maqseti jaslar arasında korrupciyaǵa bolǵan mawasasız qatnastı qáliplestiriw hám olardıń jámiyetlik turmısta belsene puqaralar bolıp jetisiwine kómeklesiwden ibarat ekenligin atap ótti.

Tańlawda qatnasıwshılar korrupciyanıń júzege keliw sebepleri, aqıbetleri hám oǵan qarsı gúresiw boyınsha óz usınısların bildirip, xalıqaralıq tájiriybe hám jergilikli kontekstke tiykarlanıp esseler jazdı.

Studentler tárepinen jazılǵan esseler tóreshiler quramı aǵzaları tárepinen bahalanıp, jeńimpazlar hám sıylı orın iyeleri anıqlanadı.

NMPI baspasóz xızmeti.