Pitkeriwshi kurs studentleri dıqqatına! NMPIde ximiya, biologiya hám fizika boyınsha pán olimpiadası ótkeriledi

Ájiniyaz atındaǵı Nókis mámleketlik pedagogikalıq institutında studentlerdiń ilimiy-izertlew jumıslarına bolǵan qızıǵıwshılıǵın arttırıw, qábiletli jaslardı qollap-quwatlaw hám intellektuallıq rawajlanıwı ushın sharayatlar jaratıw maqsetinde usı jıldıń 23-may kúni ximiya, biologiya hám fizika boyınsha pán olimpiadasınıń institut basqıshı bolıp ótedi.

Pán olimpiadasına tiyisli bakalavriat tálim baǵdarlarında bilim alıp atırǵan pitkeriwshi kurs studentleri qatnasıwı múmkin.

Olimpiada 2 turda ótkeriledi hám 100 ballıq sistemada bahalanadı.

1-tur. Teoriyalıq tapsırmalar – ulıwma 6 sorawdan ibarat (úsh túrli qıyınshılıq dárejesine sáykes 5 ballıq eki soraw, 8 ballıq eki soraw hám 12 ballıq eki soraw). Maksimal ball – 50 ball;

2-tur. Ámeliy tapsırmalar – tiyisli pán boyınsha bir tapsırmadan ibarat. Maksimal ball – 50 ball.

Eskertiw: Birinshi turdan 70% ten joqarı ball toplaǵan qatnasıwshılar ekinshi turǵa ótkeriledi.

Institut basqıshında hár bir pán boyınsha 1-, 2- hám 3-orınlardı iyelegen studentler pán olimpiadasınıń respublikalıq basqıshına jollama aladı.

Maǵlıwmat ornında atap ótiw kerek, pán olimpiadasınıń respublikalıq basqıshında 1-, 2- hám 3-orınlardı iyelegen studentler arnawlı diplom, estelik sawǵaları menen sıylıqlanadı hám joqarı oqıw orınlarınıń tiyisli qánigelikler boyınsha magistratura basqıshına oqıwǵa jeńillikli túrde qabıllanıwı boyınsha Mámleketlik komissiyaǵa usınıs beriledi.

Qosımsha maǵlıwmatlardı instituttıń ziyrek studentlerdiń ilimiy-izertlew jumısların shólkemlestiriw bóliminiń +998906533178 telefon nomeri arqalı alıwıńız múmkin.

Pán olimpiadasınıń ustavın tómendegi silteme arqalı júklep alıń

Pán olimpiadasınıń ustavı

NMPI baspasóz xızmeti.