Aldın xabar bergenimizdey, búgin, 22-may kúni Namangan mámleketlik universitetinde Ózbekstan Respublikası hám Rossiya Federaciyası aymaqlar aralıq joqarı oqıw orınları rektorlarınıń konferenciyası bolıp ótpekte.

Konferenciya sheńberinde eki mámlekettiń aldınǵı joqarı oqıw orınları arasında birge islesiw boyınsha shártnamalar dúzilmekte.

Atap aytqanda, Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov hám V.N.Tatishev atındaǵı Astraxan mámleketlik universiteti rektorı Igor Alekseev eki joqarı oqıw ornı arasında birge islesiw boyınsha shártnamaǵa qol qoydı.

Shártnama sheńberinde ilim, bilimlendiriw hám innovaciyalar tarawında ilimiy-izertlewlerdi birgelikte alıp barıw, studentler hám izleniwshilerdıń oqıwı hám stajirovkası ushın zárúr sharayatlardı támiyinlegen halda olardıń almasıwın jolǵa qoyıw, oqıw-metodikalıq jumıslarda tájiriybe almasıw, sabaqlıqlar hám oqıw materialları (oqıw baǵdarlamaları, oqıw-metodikalıq qollanbalar hám basqalar) menen almasıw baǵdarında aldaǵı waqıtta birgelikte ámelge asırılatuǵın jumıslar belgilep alındı.

NMPI baspasóz xızmeti.