Namanganda bolıp ótip atırǵan Ózbekstan Respublikası hám Rossiya Federaciyası aymaqlar aralıq joqarı oqıw orınları rektorlarınıń konferenciyası sheńberinde Ájiniyaz atındaǵı Nókis mámleketlik pedagogikalıq institutı hám A.I.Gercen atındaǵı Rossiya mámleketlik pedagogikalıq universiteti arasında birge islesiw shártnaması dúzildi.

Institut rektorı Quvondiq Qodirov hám Rossiya mámleketlik pedagogikalıq universiteti rektorı Sergey Tarasov eki joqarı oqıw ornı arasında birge islesiwdiń áhmiyetin ayrıqsha atap ótip, shártnamaǵa qol qoydı.

Birge islesiw shártnaması sheńberinde professor-oqıtıwshılardıń qánigeligin jetilistiriw, studentler hám ilimiy izleniwshilerdi almasıw, ilim, bilimlendiriw hám innovaciyalar tarawında ilimiy-izertlewlerdi birgelikte alıp barıw baǵdarındaǵı aldaǵı wazıypalar belgilenip, birgelikte ámelge asırılatuǵın jumıslar kelisip alındı.

NMPI baspasóz xızmeti.