Ájiniyaz atındaǵı Nókis mámleketlik pedagogikalıq institutında student-jaslardıń huqıqıy mádeniyatın arttırıw hám olarǵa nızamshılıqtaǵı jańalıqlar, ózgerisler haqqında túsinikler beriw maqsetinde «Huqıqıy mádeniyat – rawajlanıw kepili» atamasındaǵı ushırasıw keshesi hám úgit-násiyat ilajı bolıp ótti.

Ushırasıwǵa Qaraqalpaqstan Respublikası Ádillik ministrligi intellektual múlk huqıqların qorǵaw sektorınıń baslıǵı R.Dosjanov, usı ministrliktiń bas másláhátshisi Sh.Salieva, instituttıń úlken yuristkonsultı B.Arzieva, korrupciyaǵa qarsı gúresiw «Komplaens qadaǵalaw» sistemasın basqarıw bóliminiń bas qánigesi G.Dálibaeva, Túrkiy tiller hám Tábiyiy pánler fakultetleriniń studentleri, dekan orınbasarları, tyutorlar qatnastı.

Ilajda intellektual múlk túsinigi hám onı qorǵaw boyınsha nızamshılıq normaları, gender teńligin támiyinlew baǵdarındaǵı ámelge asırılıp atırǵan jumıslar, sonday-aq, korrupciyaǵa qarsı gúresiw hám bunday illetlerdiń aldın alıw máseleleri haqqında qatnasıwshılarǵa maǵlıwmatlar berildi.

Bul baǵdardaǵı úgit-násiyat ilajları barlıq fakultetler kesiminde dawam etpekte.

NMPI baspasóz xızmeti.