Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidentiniń «Joqarı bilimlendiriw shólkemleri pitkeriwshileriniń jumısqa ornalasıwına kómeklesiw boyınsha qosımsha ilajlar haqqında»ǵı qararı tiykarında «Keleshekke qádem» orayı shólkemlestirildi.

Registrator ofisi xızmet kórsetiw bóliminiń baslıǵı Bekmurat Tólepov Shet tilleri fakultetiniń pitkeriwshi kurs studentlerine «Keleshekke qádem» baǵdarlamasınıń mazmunı hám áhmiyeti jóninde tolıq maǵlıwmatlar berdi hám oray jumısları menen tanıstırdı.

Bul orayda óz biznes ideyaların ámelge asırıw niyeti bolǵan instituttıń pitkeriwshi kurs studentleri biznes ideyanı tayar joybarǵa shekem jetkeriw procesinde tolıq birge islesiw hám qolaylı shártlerde qarjılandırıw, tarawlar boyınsha ashıq tańlawlar ótkeriw hám jeńimpazlardı jumıs penen támiyinlewge kómeklesiw sıyaqlı máseleler boyınsha ózlerin qızıqtırǵan sorawlarǵa juwaplar alıwı múmkin.

«ÓzMilliybank» akcionerlik jámiyeti Qaraqalpaqstan Respublikası Bas basqarmasınıń «Keleshekke qádem» orayına biriktirilgen qánigeleri tárepinen olarǵa ámeliy járdem beriledi.

NMPI baspasóz xızmeti.