Búgin, 27-may kúni Ájiniyaz atındaǵı Nókis mámleketlik pedagogikalıq institutı Keńesiniń gezektegi májilisi bolıp ótti.

Májilisti institut rektorı Quvondiq Qodirov basqarıp bardı.

Keńes májilisiniń birinshi yarımında kún tártibine muwapıq, institut kafedralarında professor-oqıtıwshılardıń tańlaw jumısları, studentler turaq jaylarında tálim-tárbiya jumıslarınıń jaǵdayı hám ijara úylerinde jasaytuǵın studentler menen alıp barılıp atırǵan tárbiyalıq jumıslar, institutta materiallıq-texnikalıq bazanı bekkemlew, qarjı hám ekonomika tarawı jumıslarınıń 2024-jıldaǵı juwmaqları jáne 2025-jıldaǵı rejeleriniń orınlanıwı, Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Muwapıqlastırıwshı keńeske oqıw ádebiyatların usınıw, sonday-aq, aǵımdaǵı máseleler kórip shıǵıldı.

Bunnan soń májiliste Ózbekstan Respublikası Prezidenti tárepinen alǵa súrilgen bes áhmiyetli baslamasınıń institutta orınlanıwı, fakultetlerde studentler bilimin reyting sistemasında bahalaw hám sabaq qaldırǵan studentler menen islesiwdiń barısı, student-qızlar arasında tálim-tárbiya jumısların jetilistiriw ilajları haqqındaǵı máseleler tiyisli juwapkerler menen birge dodalandı.

Keńes májilisinde kórip shıǵılǵan máseleler boyınsha tiyisli qararlar qabıl etildi.

NMPI baspasóz xızmeti.