Búgin, 29-may kúni Ájiniyaz atındaǵı Nókis mámleketlik pedagogikalıq institutında 2025-2026-oqıw jılına qabıllaw procesin joqarı dárejede shólkemlestiriw hám qabıllaw komissiyasınıń jumısın jolǵa qoyıwǵa arnalǵan jıynalıs bolıp ótti.

Jıynalıstı institut rektorı, qabıllaw komissiyasınıń baslıǵı Quvondiq Qodirov basqarıp bardı.

Ilajda Ózbekstan Respublikası Prezidentiniń 2024-jıl 24-maydaǵı «Joqarı bilimlendiriw shólkemlerine oqıwǵa qabıllaw hám mámleketlik buyırtpasın jaylastırıw sistemasın jetilistiriw haqqında»ǵı pármanı tiykarında hár jılı 5-iyun sánesinen respublikalıq joqarı hám kásiplik bilimlendiriw mákemelerine tapsırıw niyetinde bolǵan abiturientler ushın hújjet qabıllaw baslanatuǵınlıǵı, bul processti nátiyjeli shólkemlestiriw áhmiyetli wazıypalardıń biri ekenligi atap ótildi.

Usı maqsette instituttıń qabıllaw komissiyası juwaplı xatkeri, onıń tiyisli orınbasarları hám juwapker qánigeler biriktirilip, olardıń atqaratuǵın wazıypaları túsindirildi.

Institutta jańa oqıw jılına qabıllawdı shólkemlestiriw boyınsha aldaǵı islenetuǵın jumıslar kelisip alındı.

NMPI baspasóz xızmeti.