Paytaxtımız Nókis qalasında sporttıń armrestling túri boyınsha jas óspirimler, jaslar hám eresekler arasında Ózbekstan chempionatı jarısları bolıp ótti.

Jarısqa Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń student-qızları da qatnasıp, joqarı nátiyjelerdi qolǵa kirgizdi.

Atap aytqanda, 70 kilogramm salmaqta Oǵiloy Bobojonova oń qol boyınsha 2-orın, shep qol boyınsha 3-orın, 60+ kilogramm salmaq kategoriyasında Shohista Otaboeva oń qol boyınsha 2-orın, shep qol boyınsha 2-orın, 60 kilogramm salmaqta Rzabiyke Muratbaeva oń qol boyınsha 2-orın, 50 kilogramm salmaq kategoriyasında Sevinch Reyimbaeva oń qol boyınsha 3-orındı iyeledi.

Mámleket birinshiliginde sıylı orınlardı iyelegen studentlerimiz diplom, medal hám sawǵalar menen sıylıqlandı.

Studentlerdiń qolǵa kirgizgen tabısları institut jámáátin úlken quwanıshqa bóledi. Fakultet dekanatı wákilleri olardı qutlıqlap, aldaǵı jarıslarda tabıslar tiledi.

Maǵlıwmat ornında atap ótiw kerek, sportshı studentlerdi jarısqa docent Dúysenbay Karimov tayarladı.

NMPI baspasóz xızmeti.