Ájiniyaz atındaǵı Nókis mámleketlik pedagogikalıq institutı Fizika-matematika fakulteti matematikanı oqıtıw metodikası kafedrasınıń «Matematikanıń teoriyalıq hám onı oqıtıwdaǵı mashqalaları» atamasındaǵı ilimiy seminarı bolıp ótti.

Ilajǵa kafedranıń professor-oqıtıwshıları, doktorantlar, erkin izleniwshiler, magistrantlar hám studentler qatnastı.

Seminarda dáslep kafedra baslıǵı, professor Barlıqbay Prenov hám oqıw isleri boyınsha prorektor Muxtar Ibragimov sózge shıǵıp, jaqında ǵana 78 jasında ómirden kóz jumǵan Ózbekstan Ilimler Akademiyasınıń akademigi, Ózbekstan milliy universiteti matematikalıq analiz kafedrasınıń professorı, fizika-matematika ilimleriniń doktorı, belgili matematik ilimpaz Azimboy Sadullaevtıń ómiri jáne xızmetleri haqqında aytıp ótti. Akademiktiń pidayı xızmetleri haqqında tayarlanǵan hújjetli film qatnasıwshılardıń dıqqatına usınıldı.

Bunnan soń ilimiy seminar matematikanı oqıtıw metodikası kafedrasınıń docenti Muxtar Ibragimovtıń ilimiy bayanatı menen dawam etti.

NMPI baspasóz xızmeti.