Ándijan wálayatında sporttıń jeńil atletika túri boyınsha joqarı oqıw orınları studentleri arasında «Studentler ligası» sport jarıslarınıń respublikalıq final basqıshı bolıp ótti.

Jarısta Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń studenti Dildora Ashirbaeva 60 metr aralıqqa juwırıw boyınsha sıylı 3-orındı iyelep, dáslepki qola medalın qolǵa kirgizgen bolsa, sonıń menen birge, 200 metrge juwırıw boyınsha ótkerilgen jarısta da finish sızıǵın úshinshi bolıp kesip ótip, «Studentler ligası» sport jarıslarınıń respublikalıq final basqıshınıń eki qola medalı iyesine aylandı.

Institutımız studenti Dildora Ashirbaevanı qolǵa kirgizgen tabısları menen institut jámááti atınan qutlıqlaymız!

NMPI baspasóz xızmeti.