Respublikamızdaǵı barlıq joqarı oqıw orınlarında 2024-2025-oqıw jılı juwmaqlawshı basqıshqa kelip, mámleketlik attestaciyalıq imtixanlar hám pitkeriw qánigelik jumısların qorǵaw ilajları bolıp ótpekte.

Ájiniyaz atındaǵı Nókis mámleketlik pedagogikalıq institutın bıyılǵı oqıw jılında bakalavriattıń kúndizgi tálim baǵdarları boyınsha 2 mıń 100, sırtqı tálim baǵdarları boyınsha 2 mıń 181 student, al magistratura qánigelikleri boyınsha 144 magistrant pitkerip shıǵıwı kútilmekte.

Olar arasında respublikalıq hám xalıqaralıq jarıslar, tańlawlar hám pán olimpiadaları, mámleketlik stipendiyalar tańlawlarınıń jeńimpazları, oqıw hám jámiyetlik jumıslarda belsendilik kórsetip atırǵan kóplegen jaslar bar.

Institut rektoratı hám Jaslar awqamı baslanǵısh shólkemi tárepinen teńleslerine úlgi bolıp kiyatırǵan usınday belsendi studentlerdiń ata-analarına minnetdarshılıq xatları tapsırıldı.

NMPI baspasóz xızmeti.