Usı jıldıń 9-iyun kúninen baslap Ájiniyaz atındaǵı Nókis mámleketlik pedagogikalıq institutında 2024-2025-oqıw jılı juwmaqları boyınsha bakalavriat tálim baǵdarları pitkeriwshi studentleriniń pitkeriw qánigelik jumısların qorǵaw ilajları bolıp ótpekte.

Mektepke shekemgi tálim fakultetin bıyılǵı oqıw jılında ulıwma 206 student pitkerip shıǵıwı kútilip atırǵan bolıp, olardan 169 student mámleketlik attestaciyalıq imtixanlardı tapsırdı.

– Mektepke shekemgi tálim baǵdarı boyınsha 37 student pitkeriw qánigelik jumısın qorǵawǵa jiberildi. Bıyılǵı jılı institutımız rektoratı menen birgelikte pitkeriw qánigelik jumıslarınıń sapasın arttırıw maqsetinde tiyisli jumıslardı ámelge asırdıq. Qorǵaw ilajları 13-iyunǵa shekem belgilengen keste tiykarında joqarı shólkemleskenlik penen dawam etedi, – deydi fakultet dekanı Muhabbat Allambergenova.

NMPI baspasóz xızmeti.