Xabarıńız bar, Ájiniyaz atındaǵı Nókis mámleketlik pedagogikalıq institutı Malayziyanıń Lincoln University College oqıw ornı menen bakalavriattıń mektepke shekemgi tálim baǵdarı boyınsha qospa bilimlendiriw baǵdarlamasın jolǵa qoyǵan edi.

Usı baǵdarlama sheńberinde institut studentleri oqıwın akademiyalıq mobillik tiykarında dawam ettiriw maqsetinde xalıqaralıq bólim metodisti A.Bimbetov basshılıǵında Kuala-Lumpur qalasına jiberildi.

Dáslep Lincoln University College oqıw ornı juwapkerleri hám professor-oqıtıwshıları menen bir qatar ushırasıwlar ótkerilip, eki tárepleme birge islesiwdi bunnan bılay da rawajlandırıw, investiciyalıq joybarlardı birgelikte ámelge asırıw máseleleri dodalandı.

Qospa bilimlendiriw baǵdarlaması sheńberinde institut studentleri G.Qashqınbaeva, Sh.Abdikamalova, A.Ismaylova hám M.Qarjawbaevalardıń akademiyalıq mobillik sheńberindegi oqıwı baslandı.

Bul baslamalar tek ǵana jaslardıń bilim hám kónlikpelerin keńeytip qoymastan, jańa mádeniyat hám ortalıq penen tanısıw, doslar arttırıw, shet tillerin jetik úyreniw, keleshekte xalıqaralıq joybarlarda qatnasıw imkaniyatların keńeytiwi menen áhmiyetli.

Maǵlıwmat ornında atap ótiw kerek, usı jıldıń fevral ayında bolıp ótken «Turaqlı rawajlanıw maqsetlerine erisiwde joqarı bilimlendiriw tarawındaǵı imkaniyatlar hám baslamalar» atamasındaǵı birinshi Ózbekstan-Malayziya bilimlendiriw forumında Ájiniyaz atındaǵı Nókis mámleketlik pedagogikalıq institutı delegaciyası Malayziyanıń joqarı oqıw orınları menen óz ara paydalı birge islesiw boyınsha shártnama hám memorandumlarǵa qol qoyǵan edi.

NMPI baspasóz xızmeti.

Optimized by JPEGmini 3.18.26.250256089-TBTBLNP 0x8c97c7da

Optimized by JPEGmini 3.18.26.250256089-TBTBLNP 0xfa27bbf2

Optimized by JPEGmini 3.18.26.250256089-TBTBLNP 0x1f7d625b

??????????????????????????????????????????????????????????