Ájiniyaz atındaǵı Nókis mámleketlik pedagogikalıq institutında «Áhmiyetli 90 kún» ilajları sheńberinde Nókis qalasındaǵı máhállelerdiń balaları ushın futbol boyınsha dógerek shólkemlestirildi.

– Institutımız átirapında jaylasqan «Qumbız awıl», «Jas áwlad», «Kók ózek» hám basqa da mákan puqaralar jıyınlarında házirgi waqıtta mektep jasındaǵı balalar jazǵı demalıs dáwirin ótkermekte. Álbette, biz olardıń sportqa bolǵan qızıǵıwshılıǵın esapqa alıp Sport ministrligi hám sport sheberligi mektepleri menen birgelikte dógerek shólkemlestirip atırmız. Bul jerde balalar millionlar oyını bolǵan futbol menen shuǵıllanadı, – deydi instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov.

Instituttıń jańadan ashılǵan sport maydanında máhálle balaları sport sheberliklerin arttırıp, bos waqıtların mazmunlı ótkermekte.

NMPI baspasóz xızmeti.