Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Baslawısh tálim fakultetiniń dóretiwshi student-jasları hám olardıń ustazların qabılladı.

Usı fakultettiń 2-kurs studenti Shaxsanem Nızamatdinova «Euro Study Edu» ilimiy-aǵartıwshılıq orayınıń maqalalar tańlawında óziniń úsh maqalası menen qatnasıp, «Watan rawajlanıwına qosqan úlesi ushın» kókirek belgisi menen, 2-kurs studenti Gúlnur Babaniyazova «Ustaz jolı» gazetası tárepinen shólkemlestirilgen «Jáhán maǵan háwes etip qarasın» atamasındaǵı respublikalıq tańlawda jeńimpaz bolıp, «Úmit shamshıraǵı» kókirek belgisi menen, sonday-aq, 2-kurs studenti Nigora Palwanbaeva «Center for Advanced Studies» orayınıń maqalalar tańlawında jeńimpaz bolıp, «Scientific Researcher» kókirek belgisi menen sıylıqlandı.

Rektor dóretiwshi jaslar menen sáwbetlesip, olardıń jetiskenlikleri menen qutlıqladı hám aldaǵı oqıw hám ilimiy-dóretiwshilik jumıslarında tabıslar tiledi.

NMPI baspasóz xızmeti.