Paytaxtımız Nókis qalasındaǵı «Doslıq» kanalı boyındaǵı Jaslar maydanshasında «Bes baslama olimpiadası»nıń Workout sport túri boyınsha respublikalıq final basqıshı bolıp ótti.

Quwanıshlısı, jarısta Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 2-kurs studenti Sardorbek Yuldashev barlıq qarsılaslarına qaraǵanda eń joqarı kórsetkishke erisip, 1-orındı iyeledi hám «Bes baslama olimpiadası»nıń respublikalıq final basqıshı jeńimpazı boldı.

Institut rektorı jeńimpazı studentimiz hám onıń ustazların qabıllap, respublikalıq jarısta qolǵa kirgizgen tabısları menen qutlıqladı.

Sportshını jarısqa docent Dúysenbay Karimov tayarladı.

NMPI baspasóz xızmeti.