Qaraqalpaqstan Respublikası Joqarǵı Keńesiniń Baslıǵı Amanbay Orınbaev «Jaslar aylıǵı» sheńberinde Tórtkúl rayonındaǵı belsendi jaslar menen ushırastı.

Mámleketimizde jaslardı hár tárepleme qollap-quwatlaw hám olarǵa múnásip sharayatlar jaratıp beriw baǵdarında ámelge asırılıp atırǵan reformalar haqqında atap ótip, olardıń pikir-usınısların tıńladı.

Ilaj sheńberinde hár tárepleme belsendi hám teńlesleri arasında ayrıqsha jetiskenliklerge erisip, kópshilikke úlgi bolıp atırǵan rayonnıń bir qatar jasları Qaraqalpaqstan Respublikası Joqarǵı Keńesi Prezidiumınıń qararı menen sıylıqlandı.

Quwanıshlı tárepi, belsendi jaslar qatarında Ájiniyaz atındaǵı Nókis mámleketlik pedagogikalıq institut Fizika-matematika fakultetiniń 3-kurs studenti Zilola Allakova «Úmit ushqını» kókirek belgisi menen sıylıqlandı.

Maǵlıwmat ornında atap ótiw kerek, Zilola Allakova Ózbekstan Jazıwshılar awqamınıń «Zamin» jas dóretiwshiler tańlawınıń respublikalıq basqıshı jeńimpazı, «Mırza Ulıǵbek áwladları» tańlawı, «Debat» intellektual oyını hám basqa da innovaciyalıq ideyalar tańlawlarınıń respublikalıq basqıshlarında joqarı nátiyjelerge erisken. Onıń dóretiwshilik jumısları, qosıqları tek ǵana respublikalıq kólemde emes, sonıń menen birge, Túrkiya, Ázerbayjan sıyaqlı mámleketlerde de baspadan shıqqan.

NMPI baspasóz xızmeti.