Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakulteti mektepke shekemgi tárbiya hám defektologiya kafedrası tárepinen «Arnawlı hám inklyuziv bilimlendiriwdi rawajlandırıw tendenciyaları» atamasındaǵı respublikalıq ilimiy-ámeliy konferenciya shólkemlestirildi.

Konferenciyaǵa respublikamızdaǵı joqarı oqıw orınlarınan ilimpazlar, fakultettiń professor-oqıtıwshıları, doktorantlar, magistrantlar hám studentler qatnastı.

Ilajdıń ashılıw plenar májilisinde milliy tárbiya procesinde balalardıń ruwxıy, ádep-ikramlılıq ózgesheliklerin qáliplestiriw, pedagogikalıq bilimlendiriwde studentler menen islesiwdiń innovaciyalıq metodları, qaraqalpaq xalıq pedagogikasında mektepke shekemgi jastaǵı balalardı tárbiyalaw úlgileri, bolajaq logopedlerdi logoritmika shınıǵıwların shólkemlestiriwge tayarlaw texnologiyaların jetilistiriw, autizm spektri buzılǵan balalar menen islesiwdiń jańa baǵdarları, rawajlanıw oraylarında pedagogikalıq processlerdi rejelestiriw sıyaqlı máselelerge arnalǵan bayanatlar tıńlandı.

Konferenciyada arnawlı hám inklyuziv bilimlendiriwdi rawajlandırıwǵa baylanıslı máseleler hár tárepleme talqılandı hám usınıslar, kórsetpeler berildi.

NMPI baspasóz xızmeti.