Ájiniyaz atındaǵı Nókis mámleketlik pedagogikalıq institutı Baslawısh tálim hám Túrkiy tiller fakultetlerinde oqıp atırǵan student-jaslar, sonıń ishinde, pitkeriwshi kurs studentleriniń ata-anaları menen onlayn formatta sáwbetlesiwler ótkerildi.

Ilajda institut rektorı Q.Qodirov, prorektorlar, fakultetler dekanatı hám juwapker bólimlerdiń wákilleri studentlerdiń jazǵı demalıs dáwirin mazmunlı shólkemlestiriw, usı tiykarda elimiz boylap ótkerilip atırǵan «Áhmiyetli 90 kún» ilajlarınıń áhmiyeti, juwmaqlawshı imtixanlar, pitkeriw qánigelik jumıslarınıń barısı, pitkeriwshi jaslardıń bántligin támiyinlew, jaslar tálim-tárbiyasınıń áhmiyetli máseleleri haqqında ata-analar menen pikir almastı.

Sonıń menen birge, házirgi waqıtta mámleketimizde jaslardıń isbilermenlik hám startap ideyaların qollap-quwatlaw maqsetinde olarǵa jeńilletilgen kreditler beriw jolǵa qoyılǵanlıǵı, atap aytqanda, «Keleshekke qádem» baǵdarlaması sheńberinde ámelge asırılıp atırǵan keń kólemli jumıslardıń áhmiyeti haqqında tolıq maǵlıwmatlar berildi.

Ata-analar menen onlayn formattaǵı ushırasıwlar fakultetler kesiminde dawam etpekte.