Ájiniyaz atındaǵı Nókis mámleketlik pedagogikalıq institutı rektorınıń hayal-qızlar máseleleri boyınsha másláhátshisi S.Bekchanovanıń baslaması menen student-qızlarǵa basım ótkeriw yamasa zorlıq háreketleriniń aldın alıwǵa baǵdarlanǵan «Biz – zorlıqqa qarsımız» atamasındaǵı dógerek sáwbeti shólkemlestirildi.

Ilajǵa Túrkiy tiller hám Fizika-matematika fakultetleriniń 1-3-kurs student-qızları, institut psixologi Gúljamal Tóreniyazova, hayal-qızlar psixologi Elmira Gúlimbetova, fakultet dekanlarınıń hayal-qızlar máseleleri boyınsha másláhátshileri, professor-oqıtıwshılar, tyutorlar qatnastı.

Dógerek sáwbetinde psixolog G.Tóreniyazova studentlerge maqsetlerdi durıs belgilew, olarǵa erisiw jolları, bilim alıwda insan psixologiyasınıń ózgeshelikleri hám adamnıń rawajlanıwında ilimniń roli haqqında maǵlıwmatlar berdi.

Ilaj dawamında hayal-qızlar psixologi E.Gúlimbetova tárepinen psixologiyalıq treningler ótkerildi.

NMPI baspasóz xızmeti.