Yaponiyanıń Yamagata universiteti professorı Onodera Tadashi hám koordinator Hattori Toshiaki tárepinen Qaraqalpaqstan Respublikasında isbilermenlikti bunnan bılay da qollap-quwatlaw hám xalıqtıń abadanlıǵın támiyinlew boyınsha qabıl etilgen Prezident pármanı tiykarında jas isbilermenler jáne innovator jaslar arasınan eń úlgili 50 mentor saylap alındı.

Olar arasında Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti biologiya tálim baǵdarınıń 2-kurs studenti Kúmisay Qızılbaeva da bar. Ol yaponiyalı ilimpazlar menen ótkerilgen sáwbet dawamında óziniń startap joybarları haqqında maǵlıwmat berdi.

Saylap alınǵan mentorlar 2025-jıldıń aqırına shekem sociallıq innovaciyalarǵa tiykarlanǵan «Yori-I» joybarı sheńberinde Yaponiyanıń isbilermenlik baǵdarındaǵı jetik qánige hám professor-oqıtıwshılarınan sabaq aladı.

Maǵlıwmat ornında atap ótiw kerek, institutımız studenti Kúmisay Qızılbaeva Biznesti rawajlandırıw banki hám Yamagata universiteti tárepinen shólkemlestirilgen eki aylıq seminar-treningde belsene qatnasıp, xalıqaralıq mentorlıq sertifikatı menen sıylıqlanǵan edi.

NMPI baspasóz xızmeti.