Ájiniyaz atındaǵı Nókis mámleketlik pedagogikalıq institutı málimleme-resurs orayında «Áhmiyetli 90 kún» ilajları sheńberinde studentlerdiń bos waqıtların mazmunlı ótkeriw maqsetinde «Kitapqumar – pedagog» tańlawı shólkemlestirildi.

Test hám sáwbet tárizinde ótkerilgen tańlawǵa Mektepke shekemgi tálim fakultetiniń student-jasları qatnastı.

Tańlawdıń ashılıwında málimleme-resurs orayı direktorı G.Jiyemuratova sózge shıǵıp, tańlawdıń maqseti hám áhmiyeti tuwralı maǵlıwmat berdi. Bas kitapxanashı Z.Áwezova qatnasıwshılarǵa tańlaw shártlerin tanıstırdı hám tabıslar tiledi.

Bul tańlaw pedagogikalıq tálim-tárbiya, psixologiya hám kitapqumarlıq temalarına arnalǵan bolıp, student-jaslardıń bilimleri menen oqıǵan shıǵarmaların túsiniw dárejesin bahalawǵa xızmet etedi.