Ájiniyaz atındaǵı Nókis mámleketlik pedagogikalıq institutı Fizika-matematika fakulteti matematikanı oqıtıw metodikası kafedrası tárepinen 2024-2025-oqıw jılı dawamında respublikalıq hám xalıkaralıq pán olimpiadalarında joqarı nátiyjelerge erisken student-jaslardı xoshametlewge arnalǵan keshe bolıp ótti.

Keshege instituttıń oqıw isleri boyınsha prorektorı M.Ibragimov, ilimiy isler hám innovaciyalar boyınsha prorektorı wazıypasın waqıtsha atqarıwshısı P.Kalxanov, kafedra baslıǵı, professor B.Prenov, professor-oqıtıwshılar hám studentler qatnastı.

Ilajda sózge shıqqanlar oqıw jılı dawamında Túrkmenstannıń Ashxabad qalasında ótkerilgen Open Mathematical Olympiad for University Students (OMOUS-2025), Xorezm wálayatınıń Úrgenish qalasında bolıp ótken Ál-Xorezmiy atındaǵı III Xalıqaralıq matematika olimpiadası, sonday-aq, respublikamızdaǵı joqarı oqıw orınları hám institut kóleminde ótkerilgen pán olimpiadalarında joqarı nátiyjelerge erisken jaslarımızdı maqtanısh penen atap ótti.

Usınday úmitli jaslarımızǵa diplom hám sawǵalar tapsırıldı.

NMPI baspasóz xızmeti.