Ájiniyaz atındaǵı Nókis mámleketlik pedagogikalıq institutında 27-iyun – Baspasóz hám ǵalaba xabar quralları xızmetkerleri kúnine arnalǵan bayram keshesi bolıp ótti.

Ilajda institut rektorı Quvondiq Qodirov sózge shıǵıp, barlıq qatnasıwshı jurnalist hám blogerlerdi kásiplik bayramı menen qutlıqladı hám dóretiwshilik jumıslarında tabıslar tiledi.

Bayram keshesinde mámleketimizde joqarı bilimlendiriw tarawında, sonıń ishinde, institutta ámelge asırılıp atırǵan jumıslar, tarawdaǵı reformalardıń nátiyjelerin xalqımızǵa joqarı dóretiwshilik sheberligi menen jetkerip beriwde ayanbay xızmet etip atırǵan jurnalistler, texnikalıq xızmetkerler, blogerlerge institut rektoratı hám kásiplik awqamı komiteti arasında dúzilgen jámáátlik shártnama tiykarında bayram sawǵaları hám húrmet jarlıqları tapsırıldı.

Óz gezeginde, dóretiwshi kásip iyeleri bayram qarsańında kórsetilip atırǵan usınday itibar ushın institut jámáátine minnetdarshılıǵın bildirdi.

NMPI baspasóz xızmeti.