Ájiniyaz atındaǵı Nókis mámleketlik pedagogikalıq institutı Túrkiy tiller fakultetinde «Áhmiyetli 90 kún» ilajları sheńberinde «Avangard-baspa» tipografiyası tárepinen baspadan shıǵarılǵan «Bay áke, kámbaǵal áke» kitabınıń prezentaciya keshesi bolıp ótti.

Ilajǵa fakultet student-jasları, tyutorlar, professor-oqıtıwshılar hám kitaptı qaraqalpaq tiline awdarǵan belgili jurnalist, ilimpaz Esimqan Qanaatov qatnastı.

Keshede awdarmashı tárepinen dúnyaǵa belgili jazıwshı, isbilermen hám investor Robert Kiyosakidiń qálemine tiyisli bul bestseller kitaptı qaraqalpaq tiline awdarıw procesi, kitaptıń mazmunı hám jaslardıń jeke rawajlanıwında tutqan ornı haqqında keń túrde maǵlıwmat berdi.

Jaslar kitap haqqında ózlerin qızıqtırǵan sorawlarǵa juwap aldı.

NMPI baspasóz xızmeti.